Tədris digər dillərdə aparılan lisey və gimnaziyalara qəbul qaydaları açıqlanıb
Tədris digər dillərdə aparılan lisey və gimnaziyalara qəbul olmaq üçün ilk olaraq müsahibə mərhələsindən keçmək lazımdır.
NUHÇIXAN İnformasiya Agentliyi xəbər verir ki, bunu Təhsil TV-də Ümumi və məktəbəqədər təhsilin təşkili və idarə olunması şöbəsinin müdir müavini Orxan Abbasov deyib.
Onun sözlərinə görə, müsahibə mərhələsindən keçən namizədlər iyunun 20-də məktəbin özünün təşkil etdiyi müsabiqəyə yazılmalıdırlar.
“Bakı Avropa Liseyi, Respublika İncəsənət Gimnaziyası və Bülbül adına Orta İxtisas Musiqi Məktəbinin Azərbaycan bölməsi üzrə birinci siniflərinə qəbulla bağlı müsabiqəyə yazılmaq üçün qeydiyyat isə mayın 15-i saat 11:00-dan iyunun 27-si saat 18:00-a qədər həyata keçiriləcək. Qəbul prosesində prioritetlər nəzərə alınır. Əgər valideyn həmin məktəbin xidməti ərazisində yaşayırsa, orada işləyirsə, yaxud digər övladı orada oxuyursa, övladı bu müsabiqədə iştirak etməyə bilər”, - deyə Orxan Abbasov söyləyib.