“Yay futbol düşərgəsi”nin iştirakçıları STEAM Mərkəzində olub - FOTOLAR

Xəbər verdiyimiz kimi, Naxçıvanda uşaqlar üçün təşkil olunan “Yay futbol düşərgəsi” davam edir. 

NUHÇIXAN xəbər verir ki, Futbolun İnkişaf Fondu, “Araz Naxçıvan” futbol klubu və Naxçıvan Muxtar Respublikası Ailə, Qadın və Uşaq Problemləri Üzrə Dövlət Komitəsinin birgə təşkil etdiyi “Yay futbol düşərgəsi”nin iştirakçıları Naxçıvan şəhərində yerləşən STEAM Təlim-Tədris Mərkəzi ilə tanış olublar. Burada uşaqlara yeni innovativ təlim metodu, eləcə də STEAM Təlim-Tədris Mərkəzinin imkanları və fəaliyyət istiqamətləri barədə məlumat verilib. Bildirilib ki, mərkəz müasir dizaynda tərtib olunmaqla elektron lövhə, 10 kompüter, 3D printer və digər müasir tədris avadanlıqları ilə təchiz olunub. 

Tədbir iştirakçıları mühəndis emalatxanası, 3D printer, dron uçuş, elm, informatika, incəsənət və texnologiya, təlim, robotexnika, kimya-biologiya otaqlarında olub. Uşaqlara sözügedən təlim-tədris otaqlarında aparılan işlər praktiki izah edilib.
                                     

Məmməd Qurbanlı