“Naxçıvan” Universitetinə yeni dekanlar təyin olunub - FOTOLAR
NUHÇIXAN xəbər verir ki, Universitetdə müvafiq fakültələrdə boş olan dekan vəzifələrinin tutulması üçün seçkilər keçirilib.
Seçkilər Təhsil Nazirliyinin Kollegiyasının 2017-ci il 15 noyabr tarixli 5/5 nömrəli Qərarı ilə təsdiq olunmuş "Ali təhsil müəssisələrində kafedra müdiri, dekan və dekan müavini vəzifələrinin tutulması Qaydaları"na uyğun olaraq səsvermə yolu ilə keçirilib.
Seçkilərin nəticələrinə görə, iqtisad üzrə fəlsəfə doktoru dos. Ceyhun Mahmudov "İqtisadiyyat" fakültəsinin, iqtisad üzrə fəlsəfə doktoru, dos. İradə Bağırova "İdarəetmə" fakültəsinin, pedaqogika üzrə fəlsəfə doktoru, dos. Lalə Allahverdiyeva "Pedaqoji" fakültənin, filologiya üzrə fəlsəfə doktoru Leyla Səfərova isə "Xarici dillər" fakültəsinin dekanı vəzifələrinə seçiliblər.