DİM təsviri sənət istiqaməti üzrə qabiliyyət imtahanı verəcək abituriyentlərə müraciət edib
167 saylı tam orta məktəbdə 1601, 1701 və 15-ci komissiyalara aid rəsm fənni üzrə keçirilmiş qabiliyyət imtahanından müvəffəq qiymət almış abituriyentlər rəngkarlıq (1601 və 15-ci komissiya) və yapma (1701-ci komissiya) imtahanında iştirak etmək üçün imtahana buraxılış vərəqəsini çap edə bilərlər.
Bu barədə NUHÇIXAN-a Dövlət İmtahan Mərkəzindən məlumat verilib. Bildirilib ki, 11 illik təhsil bazasında 1602-ci komissiya üzrə qeydiyyatdan keçmiş abituriyentlərin də imtahana buraxılış vərəqəsi qeydiyyatdan keçdikləri səhifələrində yerləşdirilib.
Qabiliyyət imtahanlarının qrafiki Dövlət İmtahan Mərkəzinin saytında yerləşdirilib.