Kvant fizikasında yeni kəşf: soyuma zamanı elektronlar yavaş-yavaş yox olur

Bonn Universitetinin və Sürix şəhərinin tədqiqatçıları müəyyən metallarda faza keçidlərinin dərin tədqiqini aparıblar.

NUHÇIXAN “scitechdaily” saytının məlumatına istinadən xəbər verir ki, tədqiqatçıların tapıntıları kvant fizikasını daha yaxşı başa düşməyə və kvant mexanizminə bağlı texnologiyaların inkişafına şərait yaradacaq.

Elm aləmində çox öncədən də məlumdur ki, müəyyən bir kritik temperaturdan aşağı düşdükdə bir çox maddə öz xassələrini dəyişir. Belə dəyişikliyə ən sadə nümunə suyun donmasını göstərmək olar. Lakin indi məlum olur ki, bəzi metallarda makrokosmosda olmayan faza keçidləri də var. Mikroaləmdə faza keçidləri kvant mexanikasının xüsusi qanunlarına görə yaranır. Bu qanunların riyazi təməlində buxarlanan mənfi yüklü zərrəciklər, yəni elektronlar durur ki, bu makroaləm üçün xarakterik deyil.

Bonn Universitetinin alimləri hazırda elektronların temperaturdan asılı olaraq yox olmasının riyazi üsulla sübutu üzərində işləyirlər.