Naxçıvanda bu gün jurnalistika ixtisasına qəbul üçün qabiliyyət imtahanı keçirilib

Dövlət İmtahan Mərkəzi (DİM) avqustun 6-da ali təhsil müəssisələrinin bakalavriat səviyyəsinin jurnalistika ixtisasına qəbul olmaq istəyən abituriyentlər üçün qabiliyyət imtahanı keçirib.

Naxçıvan şəhərində keçirilən imtahanlar saat 10:00-da başlayıb. Dövlət İmtahan Mərkəzinin (DİM) Naxçıvan Regional Bölməsinin müdiri Sabir Məmmədovun NUHÇIXAN-a verdiyi məlumata görə, Naxçıvan şəhərindəki 5 nömrəli tam orta məktəbdə təşkil olunan imtahan 2 zalda keçirilib. İmtahanın keçirilməsinə 1 imtahan rəhbəri və 2 nəzarətçi cəlb olunub, 17 abituriyent iştirak edib.