Peşə təhsili müəssisələrinə sənəd qəbulu bu gün başa çatır
Peşə təhsil müəssisələrinə tələbə qəbulunun I mərhələsi çərçivəsində müsabiqədən keçən şəxslər üçün sənəd qəbulu bu gün saat 17:00-da başa çatacaq.
Bu barədə NUHÇIXAN-a Peşə Təhsili üzrə Dövlət Ağentliyindən məlumat verilib. Bildirilib ki, qəbulun birinci mərhələsində müsabiqədən keçən şəxsin qəbul olunduğu peşə təhsil müəssisəsində bu gün saat 17:00-dək qeydiyyatdan keçməməsi və ya sənədlərini tam təqdim etməməsi onun həmin ixtisas üzrə təhsil almaqdan imtina etməsi kimi qiymətləndirilir.