Naxçıvan məktəbliləri Dünya Robot Olimpiadasına yollanır - VİDEO

1-3 sentyabr tarixlərində Milli Gimnastika Arenasında VI Robot Olimpiadası keçirilib. Naxçıvan məktəbliləri qalib olaraq Dünya Robot Olimpiadasında ölkəmizi təmsil etmək hüququ qazanıblar.

Azərbaycan Respublikası Gənclər və İdman, Elm və Təhsil, Rəqəmsal İnkişaf və Nəqliyyat nazirliklərinin, Dünya Robot Olimpiadası Assosiasiyasının və Azərbaycan Robotexnika Mühəndisliyi Akademiyasının birgə təşkilatçılığı ilə keçirilən  Olimpiadada 8 yaşdan 19 yaşadək yeniyetmə və gənclər iştirak ediblər. 4 kateqoriya üzrə 249 komanda qeydiyyatdan keçib. Qeydiyyatdan keçən komandaların hazırlıq səviyyəsi ilə bağlı monitorinqlər aparılıb və final mərhələsində 160 komanda iştirak etmək hüququ qazanıb. Olimpiadadanın final mərhələsində Naxçıvanı STEAM təhsili üzrə müvəffəqiyyət qazanan  məktəblilərdən ibarət  "Young inventors", "Deusra", "Fourtune" adlı komandalar təmsil edib. Olimpiadanın yekununda  təmsilçimiz   "Deusra" komandası  "Robosport" kateqoriyası üzrə qalib olub.

NUHÇIXAN Naxçıvan televiziyası əməkdaşlarının mövzu ilə bağlı hazırladıqları videomaterialı təqdim edir: