Naxçıvandan olan gəncə Prezident mükafatı verildi - SƏRƏNCAM

Prezident İlham Əliyev fevralın 1-də "2024-cü il Gənclər üçün Prezident mükafatlarının verilməsi haqqında" sərəncam imzalayıb. NUHÇIXAN xəbər verir ki, sərəncama əsasən, Məhərrəmova Zərifə Hüseyn qızı da 2024-cü il Gənclər üçün Prezident mükafatı ilə təltif edilib.

1997-ci il noyabrın 15-də Naxçıvan şəhərində anadan olan Məhərrəmova Zərifə Hüseyn qızı gənclər siyasəti və gənclərlə iş sahəsi üzrə fərqləndiyinə görə təltif edilib. O, Azərbaycan Respublikası Gənclər və İdman Nazirliyinin “Gənclər Dayanıqlı İnkişaf Məqsədləri üçün” layihəsinin rəhbəridir.

Qeyd edək ki, 2019-cu ildə ADA universitetinin Beynəlxalq Əlaqələr üzrə bakalavr pilləsini bitirib. 2020-ci ildə ADA və BERGAMO Universitetlərinin II səviyyə peşəkar dərəcə artırma proqramını bitirib, 2021-ci ildən isə Sankt-Peterburq Dövlət Universitetində magistr təhsili alır. “COP28 İqlim konfransı” və BMT-nin bir sıra təşkilatlarının gənclərlə bağlı müxtəlif layihələrinin ideya müəllifi və təşkilatçısıdır.