Kişi basketbolçulardan ibarət Azərbaycan millisi yoxlama oyununda qalib gəlib
Türkiyənin İstanbul şəhərində təlim-məşq toplanışı keçən kişi basketbolçulardan ibarət Azərbaycan millisi hazırlıq görüşündə qüvvəsini sınayıb.
NUHÇIXAN xəbər verir ki, Tahir Baxşıyevin rəhbərlik etdiyi yığma Birləşmiş Ərəb Əmirlikləri seçməsi ilə üz-üzə gəlib. Görüş komandamızın 72:57 hesablı qələbəsi ilə yekunlaşıb.
Millinin heyətində məhsuldar basketbolçu 14 xal və 4 ribaundla Amil Həmzəyev seçilib.
Qeyd edək ki, təlim-məşq toplanışı fevralın 21-dək davam edəcək.