Çempionlar Liqası: Bu gün yarımfinal mərhələsinin digər oyunu keçiriləcək
Bu gün UEFA Çempionlar Liqasında yarımfinal mərhələsinin ilk oyunlarına yekun vurulacaq.
NUHÇIXAN xəbər verir ki, bu raundun digər görüşündə Dortmund “Borussiya”sı Almaniyada Fransanın PSJ klubunu qəbul edəcək.
Bakı vaxtı ilə saat 23:00-da başlayacaq matçı ingiltərəli baş hakim Entoni Teylor idarə edəcək.
Qeyd edək ki, yarımfinalın ilk oyununda İspaniyanın “Real Madrid” komandası Almaniyada “Bavariya” ilə 2:2 hesablı heç-heçəyə razılaşıb.