Mbappe Liqa 1-də mövsümün futbolçusu seçilib
PSJ-nin hücumçusu Kilian Mbappe Fransa Liqa 1-də cari mövsümün ən yaxşı oyunçusu seçilib.
NUHÇIXAN UNFP-ə istinadən xəbər verir ki, forvard ölkəsində Futbolçular və Məşqçilər İttifaqının versiyasına görə bu ada layiq görülüb.
Qeyd edək ki, Mbappe mövsümün sonunda Paris təmsilçisindən ayrılacağını açıqlayıb. O, cari mövsüm çempionatda 27 qol və 7 məhsuldar ötürmə ilə yadda qalıb. Hücumçunun İspaniyanın "Real" klubuna keçəcəyi gözlənilir.