Azərbaycanın voleybol yığmaları Estoniya seçmələri ilə qarşılaşacaq
Bu gün qadın və kişi voleybolçulardan ibarət Azərbaycan milli komandaları Qızıl Avropa Liqasında növbəti oyunlarına çıxacaqlar.
NUHÇIXAN xəbər verir ki, Faiq Qarayevin rəhbərlik etdiyi qadın yığması Bakıda Estoniya seçməsini qəbul edəcək. Gənclər və İdman Nazirliyinin Voleybol Mərkəzində reallaşacaq görüş saat 18:00-da başlayacaq.
Yığma daha əvvəl keçirdiyi oyunlarda Xorvatiyaya (3:1) qalib gəlib, Slovakiya, Rumıniya və İsveçə məğlub olub – 0:3.
Kişilərdən ibarət komanda isə səfərdə Estoniya ilə üzə-üzə gələcək. Matç Bakı vaxtı ilə saat 19:00-da start götürəcək.
Fərid Cəlalovun rəhbərlik etdiyi milli komanda bundan əvvəl Rumıniya, Ukrayna, Belçika və Şimali Makedoniyaya eyni hesabla (0:3) uduzub.