Naxçıvanda məktəblilərin velosiped birinciliyi keçirilib - VİDEO
Naxçıvanda məktəblilər “Təmiz ətraf mühit, sağlam həyat” devizi ilə maraqlı mübarizəyə qoşulublar. “Yaşıl Dünya Naminə Həmrəylik İli” çərçivəsində təşkil olunan velosiped yarışında Naxçıvan şəhərində fəaliyyət göstərən məktəblərdən 30-a yaxın şagird iştirak edib.
Naxçıvanda məktəblilər “Təmiz ətraf mühit, sağlam həyat” devizi ilə maraqlı mübarizəyə qoşulublar. “Yaşıl Dünya Naminə Həmrəylik İli” çərçivəsində təşkil olunan velosiped yarışında Naxçıvan şəhərində fəaliyyət göstərən məktəblərdən 30-a yaxın şagird iştirak edib.
Ümumdünya Ətraf Mühit Günü ərəfəsində Naxçıvan Şəhər İcra Hakimiyyəti, Gənclər və İdman İdarəsi və Təhsil Şöbəsinin təşkilatçılığı ilə keçirilən yarışda oğlan və qız şagirdlər iştirak edib. İdmançılar yarışa Perinatal mərkəzinin yanından start götürüblər.
Yarış yeniyetmə və gənclərin zərərli vərdişlərdən qorunması, bu idman növünün kütləviliyinə nail olunması və velosipedin nəqliyyat vasitəsi olaraq təbliği kimi mühüm məqsədləri dayışıb. Uşaqlar 4.4 km məsafəni qət edərək finişə çatıblar.
Nəticələrə gəlincə, Heydər Əliyev məktəbinin şagirdi Rəşad Məmmədov finiş xəttinə daha tez çatıb. Qızlar arasında isə bu titulu Heydər Əliyev məktəbinin yetirməsi Rüqayə Səfərova əldə edib.
Qalib olan və fərqlənən idmançılar iyunun 5-də keçiriləcək yekun tədbirində mükafatlandırılacaqlar.