“Araz-Naxçıvan” növbəti transferini reallaşdırıb
“Araz-Naxçıvan” komandası növbəti transferini reallaşdırıb.
Klubdan NUHÇIXAN-a verilən məlumata görə, Bernardo Diaş 2024-2025-ci il mövsümünü “qırmızı-ağlar”ın heyətində keçirəcək. 27 yaşlı portuqaliyalı hücumameyilli yarımmüdafiəçi son olaraq vətənində “Torense” klubunun formasını geyinib. “Benny” ləqəbli vinger buna qədər Portuqaliyanın “Belenenseş”, “Oeyraş” “Benfika B”, “Şaveş” və Kiprin “Doksa” klublarında çıxış edib.
Qeyd edək ki, “Araz-Naxçıvan” yay transfer dövründə daha əvvəl Tərlan Əhmədli, Ürfan Abbasov, Bəxtiyar Həsənalızadə, Ülvi İsgəndərli, Ömər Buludov, Turan Vəlizadə və Karlos Jatobanı heyətinə qatıb, Kristian Avram, Vadim Abdullayev, Nuno Rodrigeş, İqor Ribeyru, Vanderson Melo, Elçin Mustafayev, Vüsal Şabanov, Tuqay Əlizadə, Ramin Nəsirli və Miço Küzmanoviçlə müqaviləni yeniləyib.