Azərbaycan gimnastları beynəlxalq turnirdə bürünc medal qazanıblar
Azərbaycan gimnastları Portuqaliyanın Santarem şəhərində keçirilən batut gimnastikası, ikili mini-batut və tamblinq üzrə “Scalabis Cup” beynəlxalq yarışında fəxri kürsüyə qalxıblar.
Azərbaycan Gimnastika Federasiyanın mətbuat xidmətindən NUHÇIXAN-a verilən məlumata görə, İbrahim Mustafazadə, Əli Niftəliyev və Fərhad Vəliyev komanda hesabında yüksək nəticə əldə edərək bürünc medal qazanıblar.
Ötən gün start götürən turnirə iyulun 13-də yekun vurulacaq.