Avropa Universitet Oyunlarında Azərbaycanı təmsil edəcək badmintonçular bəlli olub
Macarıstanın Debretsen şəhərində tələbələr arasında keçirilən 5-ci Avropa Universitet Oyunlarında Azərbaycanı təmsil edəcək badmintonçular bəlli olub.
Azərbaycan Badminton Federasiyasının mətbuat xidmətindən NUHÇIXAN-a verilən məlumata görə, milli komandanın heyətində 4 idmançı yer alıb.
Turnirdə Aqil Qabilov, Rəvan Niftəliyev, Nərmin Şərifova və Nigar Əliyeva medallar uğrunda mübarizə aparacaqlar.
Badminton yarışları iyulun 17-dən 25-dək təşkil olunacaq.