"Neftçi" Ərzurumda Superliqa təmsilçisi "Sivasspor" ilə qarşılaşacaq
Yeni mövsümə hazırlığı Türkiyədə davam etdirən "Neftçi" bu gün növbəti yoxlama matçını keçirəcək.
NUHÇIXAN xəbər verir ki, Roman Qriqorçukun rəhbərlik etdiyi komanda Türkiyənin Superliqa təmsilçisi "Sivasspor"la qarşılaşacaq.
Bakı vaxtı ilə saat 18:00-da başlayacaq oyun Ərzurumdakı "Palandöken Yüksek İrtifa Camp Facilities"də keçiriləcək.
Qeyd edək ki, "Neftçi" klubu ilk yoxlama matçında Superliqanın digər təmsilçisi "Alanyaspor"u 3:1 hesabı ilə məğlub edib.