Naxçıvan Futbol Federasiyasının baş katibinə hazırkı vəziyyətin təhlil edilməsi tapşırılıb - FOTOLAR
Bu gün Naxçıvan Futbol Federasiyasının iclası keçirilib.
NUHÇIXAN xəbər verir ki, federasiyanın vitse-prezidenti Elşən Abbasov görüləcək işlər və prioritetlər barədə danışıb.
İclasda iştirak edən məşqçilərlə fikir mübadiləsi aparılıb, mövcud vəziyyət öyrənilib, təkliflər dinlənilib və müzakirə olunub, suallar cavablandırılıb.
Baş katib Raqif Abbasova vəziyyətin təhlil edilməsi, yaxın gələcək üçün görülməsi vacib işlərin müəyyənləşdirilməsi tapşırılıb.