UEFA reytinqi: Azərbaycan ötən həftə ilə müqayisədə geriləyib
Azərbaycan ötən həftə ilə müqayisədə UEFA reytinqində geriləyib.
NUHÇIXAN xəbər verir ki, bu, avrokuboklarda III təsnifat mərhələsinin ilk oyunlarından sonra baş verib.
24-cü sırada yer alan ölkənin əmsalı 18,500-ə bərabərdir.
"Qarabağ" Çempionlar Liqasında Bakıda Bolqarıstanın "Ludoqorets" komandasına uduzub - 1:2.
"Sabah" UEFA Konfrans Liqasında İrlandiyada "Sent Patriks Atletik"ə məğlub olub (0:1), "Zirə" isə Xorvatiyada "Osiyek"lə heç-heçə edib - 1:1. Bu bərabərlik Azərbaycanın aktivinə 0,125 xal qazandırıb.
23-cü pillədəki Slovakiyanın 18,750, 25-ci yerdəki İsveçin 18,375 xalı var.
55 ölkənin yer aldığı reytinq siyahısına İngiltərə (89.160) başçılıq edir.