Azərbaycanlı referi “Paris-2024”də ən reytinqli hakim seçilib
Azərbaycanlı beynəlxalq dərəcəli boks hakimi Emil Qurbanəliyev “Paris-2024” Yay Olimpiya Oyunlarında fərqlənib.
Azərbaycan Boks Federasiyasından NUHÇIXAN-a verilən məlumata görə, həmyerlimiz döyüşləri ən yaxşı idarə edən ədalət təmsilçisi seçilib.
O, referilərin reytinqində birinci olub və dördilliyin ən möhtəşəm yarışının sertifikatı ilə təltif edilib.
Qeyd edək ki, E.Qurbanəliyev Olimpiadada müxtəlif mərhələlərin döyüşləri ilə yanaşı, finalda da ədaləti qoruyub.