Fransa klubu Niderland millisinin üzvünü transfer edib

Fransanın "Monako" klubu PSV-nin, eyni zamanda Niderland millisinin müdafiəçisi Cordan Tezeni transfer edib.

NUHÇIXAN  Monako təmsilçisinin mətbuat xidmətinə istinadən xəbər verir ki, 24 yaşlı oyunçu ilə 5 illik müqavilə imzalanıb.

Fransa mətbuatın yazdığına görə, transfer məbləği təxminən 12 milyon avro təşkil edib.

Qeyd edək ki, C.Teze PSV-nin heyətində ümumilikdə 189 oyun keçirib, 4 qol vurub və 23 məhsuldar ötürmə ilə diqqət çəkib. Niderland çempionu olan futbolçu, ölkə kubokununun (2) və Superkubokunun (3) qalibi adını qazanıb. Müdafiəçi Niderland millisində 4 oyun keçirib.