"Napoli" Portuqaliya klubunun futbolçusunu transfer edir

İtaliyanın "Napoli" klubu heyətini yeni futbolçu ilə gücləndirir.

NUHÇIXAN xəbər verir ki, bu barədə yerli jurnalist Nikolo Skira bildirib.

Onun sözlərinə görə, Neapol təmsilçisi Portuqaliyanın "Benfika" komandasından David Neresi transfer edir. Artıq tərəflər 27 yaşlı vingerin keçidi lə bağlı razılığa gəliblər.

İtalyanlar braziliyalı oyunçu üçün 28 milyon avro ödəyəcək. "Napoli"nin onun transferini bu gün rəsmən açıqlayacağı gözlənilir.

Qeyd edək ki, Neres 2022-ci ildən "Benfika"nın formasını geyinir. Futbolçu 2023/2024 mövsümündə 35 matçda 5 qol və 10 məhsuldar ötürmə ilə yadda qalıb.