Argentinanın nəhəng klubu 18 ildən sonra dünya çempionatına qatılacaq
Argentinanın "Boka Xuniors" komandası klublararası dünya çempionatına vəsiqə qazanıb.
NUHÇIXAN xəbər verir ki, bu barədə FIFA-nın mətbuat xidməti məlumat yayıb.
Bildirilib ki, Buenos-Ayres təmsilçisi 2021-2023-cü illər aralığında Libertadores Kubokunda 71 reytinq xalı qazanmaqla buna nail olub.
Qeyd edək ki, yenilənmiş klublararası dünya çempionatının 2025-ci il iyunun 15-dən iyulun 13-dək ABŞ-də keçirilməsi planlaşdırılır. "Boka Xuniors" sonuncu dəfə 2007-ci ildə bu turnirdə iştirak edib.