Harri Keynə “Qızıl buts” mükafatı təqdim olunub

Almaniyanın "Bavariya" klubunun futbolçusu Harri Keynə “Qızıl buts” mükafatı təqdim olunub.

NUHÇIXAN xəbər verir ki, 31 yaşlı hücumçu bu mükafata Avropada ötən mövsümün bombardiri (Bundesliqada 36 qol) olduğu üçün layiq görülüb.

İngiltərəli oyunçu bu nominasiyada Almaniyanın “Ştutqart” komandasının forvardı Seru Girassi (28 qol) və hazırda İspaniya “Real Madrid”ində çıxış edən PSJ-nin sabiq hücumçusu Kilian Mbappeni (27 qol) qabaqlayıb.

Qeyd edək ki, Harri Keyn 2023/2024-cü illər mövsümündə Münxen klubunun heyətində ümumilikdə 45 matçda forma geyinib. O, bu oyunlarda 44 qol və 12 məhsuldar ötürmə ilə yadda qalıb.