"Fənərbağça"nın futbolçusu Braziliya klubu ilə müqavilə bağlamağa yaxındır
Türkiyənin "Fənərbağça" klubunun futbolçusu Luan Peres Braziliya komandası ilə müqavilə bağlamağa yaxındır.
NUHÇIXAN qardaş ölkə mətbuatına istinadən xəbər verir ki, müdafiəçi ölkəsinin "Vaska Da Qama" klubu ilə danışıqlara başlayıb.
Cari mövsümün sonunda müqavilə müddəti başa çatacaq Peres böyük ehtimalla "sarı-lacıvərdlilər"dən ayrılacaq.
Qeyd edək ki, 30 yaşlı futbolçu 2 il əvvəl Fransanın "Marsel" klubundan transfer olunub.