Eltac Səfərli Birləşmiş Ərəb Əmirliklərində keçirilən Əl-Füceyrə blits turnirində beşinci yeri tutub
Azərbaycan şahmatçısı, qrossmeyster Eltac Səfərli Birləşmiş Ərəb Əmirliklərinin (BƏƏ) Əl-Füceyrə əmirliyində keçirilən blits üzrə beynəlxalq turnirdə beşinci yeri tutub.
NUHÇIXAN xəbər verir ki, təmsilçimiz İsveçrə sistemi üzrə 7 turdan ibarət turnirdə 4,5 xal toplayıb.
Yarışda 26 şahmatçı, o cümlədən 11 qrossmeyster mübarizə aparıb. Blits turnirinin qalibi 6 xal toplayan BƏƏ təmsilçisi Səlim Saleh olub.