Naxçıvanda 100 illik yubileyə həsr olunmuş boks birinciliyi keçirilir - FOTOLAR
NUHÇIXAN xəbər verir ki, oktyabrın 25-i İlham Əliyev adına Olimpiya İdman Kompleksində Naxçıvan Muxtar Respublikasının 100 illik yubileyinə həsr olunmuş böyüklər və gənclər arasında boks üzrə muxtar respublika birinciliyinə start verilib.
Naxçıvan Muxtar Respublikası Gənclər və İdman Nazirliyinin Naxçıvan Boks Federasiyası ilə birgə təşkil etdiyi yarışa şəhər və rayonlardan ümumilikdə 70-ə yaxın idmançı qatılıb. İştirakçılar olimpiya sistemi üzrə 12 çəki dəcəsində mübarizə aparırlar.
Növbəti gün yarışın final görüşləri keçiriləcək. İlk üç yerin sahiblərinə nazirliyin diplom, medal və hədiyyələri təqdim olunacaq.