Azərbaycan gimnastları Almaniyada birinci və ikinci yeri tutublar
Azərbaycan millisinin üzvləri Almaniyanın Kotbus şəhərində keçirilən “GymCity Open” beynəlxalq yarışında batut gimnastikası üzrə birinci və ikinci yeri tutublar.
NUHÇIXAN xəbər verir ki, bu barədə Gimnastika Federasiyasının mətbuat xidməti məlumat yayıb.
Sinxron proqramda yeniyetmə gimnastlardan Əli Niftəliyev - Ammar Baxşalıyev cütlüyü qızıl, böyüklərin yarışında isə Hüseyn Abbasov - Nicat Mirzəyev dueti gümüş medal əldə ediblər.