Birləşmiş Ərəb Əmirlikləri təmsilçisi Ernan Krespo ilə yolları ayırıb

Birləşmiş Ərəb Əmirlikləri təmsilçisi "Əl-Əyn" baş məşqçisi Ernan Krespo ilə yolları ayırıb.

NUHÇIXAN xəbər verir ki, bu barədə klubun mətbuat xidməti məlumat yayıb.

Argentinalı mütəxəssis Kriştianu Ronaldonun formasını geyindiyi "Əl-Nəsr"ə Asiya Çempionlar Liqası matçında 1:5 hesablı məğlubiyyətdən sonra postunu tərk etmək qərarına gəlib.

Qeyd edək ki, E.Krespo "Əl-Əyn"i 2023-cü ilin noyabrından çalışdırırdı. Argentinalı sabiq hücumçunun rəhbərliyi altında Asiya Çempionlar Liqasının qalibi olmuş "Əl-Əyn" hazırda turnir cədvəlində səkkizincidir. Mütəxəssis sabiq komandasının "sükanı arxasında" bu mövsüm 47 oyunda 23 qələbəyə sevinmişdi.