Naxçıvan MR Daxili İşlər Nazirliyinin əməkdaşları arasında güc çoxnövçülüyü üzrə yarış keçirilib - FOTOLAR
NUHÇIXAN xəbər verir ki, Naxçıvan MR Daxili İşlər Nazirliyinin (DİN) İdman Cəmiyyətində güc çoxnövçülüyü üzrə daxili işlər orqanlarının əməkdaşları arasında yarış keçirilib. Yarışda 14 komandanı təmsil edən 88 idmançı gücünü sınayıb.Yarışın proqramına paralel qollar idman növü, turnik və daş qaldırma daxil edilib.
Yarışdan öncə ümummilli lider Heydər Əliyev və Vətən uğrunda canlarını fəda etmiş şəhidlərimizin ruhu bir dəqiqəlik sükutla yad edilib. Daha sonra Azərbaycan Respublikasının Dövlət Himni səsləndirilib.
Naxçıvan MR DİN-in bir çox idarə və struktur bölmələrini təmsil edən polis əməkdaşının iştirak etdiyi yarış gərgin mübarizə şəraitində davam edib.Polis idmançıları yüksək fiziki hazırlıq nümayiş etdiriblər.
Şəxsi birincilik yarışlarında turnik yarış növü üzrə Cavanşir Bayramov(Ordubad RPŞ) birinci, Əli Hüseynov(Naxçıvan MR DİN) ikinci, Nurməmməd Nuruyev(Şahbuz RPŞ) üçüncü yerin qalibi olub.
Paralel qollar yarış növü üzrə Cavid Qasımlı(Şərur RPİ) birinci, Cavanşir Bayramov(Ordubad RPŞ) ikinci, Bəhlül Əsgərli(Naxçıvan ŞPİ) üçüncü yerin qalibi olub.
66 kiloqram çəkidə daş qaldırma yarış növü üzrə Səfər Əkbərov(OİPM) birinci, Rəzzax Əliyev(Naxçıvan MR DİN) ikinci, Yunis Musayev(DYNPŞ) üçüncü yerin qalibi olub.
74 kiloqram çəkidə daş qaldırma yarış növü üzrə Taleh Yaqubov(MPİ) birinci, Cəfər Həziyev(OİPM) ikinci, Cavid Qasımlı(Babək RPİ) üçüncü yerin qalibi olub.
84 kiloqram çəkidə daş qaldırma yarış növü üzrə Elgün Hüseynli(DYNPŞ) birinci, Cavid Qasımlı(Şərur RPİ) ikinci, Ümid Əliyev(OİPM) üçüncü yerin qalibi olub.
90 kiloqram çəkidə daş qaldırma yarış növü üzrə Asəf Hüseynli(OİPM) birinci, Elməddin Ağayev(DYPİ) ikinci, Mirhəbib Seyidli(MPİ) üçüncü yerin qalibi olub.
90 kiloqramdan yuxarı çəkidə daş qaldırma yarış növü üzrə Sərxan Bağırov(Şərur RPİ) birinci, Sahil Quliyev(Kəngərli RPŞ) ikinci, Kamal Məmmədov(DİN) üçüncü yerin qalibi olub.
Komanda birinciliyində Şərur Rayon Polis İdarəsinin əməkdaşları yarışın qalibi olub. Orta İxtisas Polis Məktəbinin komandası 2-ci, Şahbuz Rayon Polis Şöbəsinin təmsilçiləri 3-cü yeri tutublar.
Naxçıvan MR DİN-in bir çox idarə və struktur bölmələrini təmsil Qaliblərə medallar və diplomlar təqdim olunub.