PSJ-nin futbolçusu "Mançester Yunayted"ə transfer oluna bilər
Fransanın PSJ klubunun futbolçusu Nunu Mendeş İngiltərə təmsilçisi "Mançester Yunayted"ə transfer oluna bilər.
NUHÇIXAN xarici KİV-ə istinadən xəbər verir ki, 22 yaşlı müdafiəçi "qırmızı şeytanlar"ın maraq dairəsinə düşüb.
Parislilər Portuqaliya millisinin üzvünü satmaq istəməsə də, oyunçu özü Premyer Liqada çıxış etməyə meyillidir.
Qeyd edək ki, Nunu Mendeş 2022-ci ildə "Sportinq"dən PSJ-yə transfer olub. O, cari mövsüm Paris klubunun heyətində 16 oyunda meydana çıxıb və 2 qol vurub.