Türkiyə Superliqası: “Qalatasaray” “Trabzonspor”a qalib gəlib

131

Futbol üzrə Türkiyə Superliqasının XXI turunda turnir cədvəlinin ikinci pilləsində qərarlaşan İstanbulun “Qalatasaray” komandası öz meydanında “Trabzonspor”la qarşılaşıb.
NUHÇIXAN xəbər verir ki, qarşılaşmanın 21-ci dəqiqəsində “Qalatasaray”ın yeni transfer olunmuş hücumçusu Mbaye Diaqne onbirmetrlik cərimə zərbəsindən hesabı açıb. Lakin 31-ci dəqiqədə qonaqlar Huqo Rodeleqa vurduğu qolla hesabı bərabərləşdiriblər. Younes Belhanda 45-ci dəqiqədə meydan sahiblərini hesabda irəli çıxarıb.
Birinci hissə bu hesabla bitib. İkinci hissədə Younes Belhanda özünün ikinci, komandasının isə üçüncü qolunu vurub. Oyun 3:1 hesabı ilə İstanbul təmsilçisinin xeyrinə başa çatıb.
Bu gün keçirilən “Konyaspor”-“Yeni Malatyaspor” görüşündə qalib müəyyənləşməyib. “Göztəpə” və “Alanyaspor” qarşılaşmasında isə meydan sahibləri 3:2 hesabı ilə qalib gəliblər.
Hazırda “Başakşəhər” 45 xalla turnir cədvəlinin birinci pilləsində qərarlaşıb. “Qalatasaray” 39 xalla ikinci, “Beşiktaş” isə 36 xalla üçüncü yeri tutur.

Mətndə səhv varsa, onu qeyd edib Ctrl+Enter düyməsini basaraq bizə göndərin.

Digər xəbərlər

Xəbərin mətnində orfoqrafik səhv var

Seçilən mətn düzəliş üçün göndəriləcək: