Azərbaycan Misirdə 2-ci Beynəlxalq Para-badminton turnirində iştirak edəcək
Yanvarın 21-dən 26-dək Misirdə 2-ci Beynəlxalq Para-badminton turniri keçiriləcək.
NUHÇIXAN “əş-Şuruq” qəzetinə istinadla xəbər verir ki, Misirin Badminton Federasiyası beynəlxalq idman yarışında iştirak edəcək ölkələrin adlarını açıqlayıb. Qahirə Beynəlxalq Stadionunda təşkil olunacaq turnirdə Misirlə yanaşı, Azərbaycan, Hindistan, Avstriya, Braziliya, Cənubi Afrika, Kot-Divuar, Kanada, Keniya, Çexiya, Nigeriya, Konqo, Peru, Səudiyyə Ərəbistanı, İngiltərə, İsveç, Fransa, İsveçrə, Almaniya, Türkiyə idmançıları yarışacaqlar.
Bu turnir Beynəlxalq Badminton Federasiyasının təsnifat yarışıdır və “Grade 2” kateqoriyasına uyğundur.