Kriştianu Ronaldu klub səviyyəsində 700 matçda qalib gələn ilk futbolçu olub
Səudiyyə Ərəbistanı təmsilçisi “Əl-Nəsr”in hücumçusu Kriştianu Ronaldu klub səviyyəsində 700 matçda qalib gələn ilk futbolçu olub.
NUHÇIXAN-ın “Marca”ya istinadən məlumatına görə, portuqaliyalı futbolçu Lissabon “Sportinq”ində 13, “Mançester Yunayted”də 214, “Real”da 316, “Yuventus”da 91, “Əl-Nəsr”də 66 dəfə qalib gəlib.
Qeyd edək ki, Ronaldu bu yaxınlarda karyerasında 921-ci qolunu vurub. 39 yaşlı hücumçu klub səviyyəsində 786, Portuqaliya millisində isə 135 dəfə fərqlənib.