Azərbaycanın futzal hakimləri beynəlxalq təyinat alıblar
Azərbaycanın futzal hakimləri beynəlxalq oyuna təyinat alıblar.
Azərbaycan Futzal Federasiyasının mətbuat xidmətindən NUHÇIXAN-a verilən məlumata görə, Hikmət Qafarlı, Knyaz Əmiraslanov və Əli Cəbrayılovdan ibarət briqada AVRO-2026-nın III qrupunda keçiriləcək Türkiyə - Slovakiya görüşünü idarə edəcək.
Matç martın 12-də Ərzincan şəhərində keçiriləcək və saat 17:00-da start götürəcək. Oyunun hakim-inspektoru xorvat İvan Novak olacaq.