Superliqa: Bu gün "Qalatasaray" və "Fənərbağça" növbəti oyunlarına çıxacaqlar
Bu gün Türkiyə Superliqasında XXVI turun növbəti oyunları keçiriləcək.
NUHÇIXAN xəbər verir ki, turnir cədvəlinin lideri "Qalatasaray" səfərdə "Kasımpaşa"nın qonağı olacaq. Görüş Bakı vaxtı ilə saat 17:00-da başlayacaq.
"Cim-bom"un yaxın izləyicisi "Fənərbağça" isə evdə "Antalyaspor"u qəbul edəcək. Matçın start fiti 21:30-da səslənəcək.
"Qalatasaray" hazırda 64 xalla turnir cədvəlinə başçılıq edir. "Fənərbağça" isə 58 xalla 2-ci pillədə qərarlaşıb.