Əmrah Nağıyev Bakı Marafonunda 6-cı olaraq rekordunu yeniləyib - FOTOLAR

Heydər Əliyev Fondunun təşəbbüsü ilə "Bakı Marafonu 2025" təşkil olunub. “Küləyə qalib gəl” şüarı ilə reallaşan kütləvi idman tədbirində Azərbaycandan və dünyanın müxtəlif ölkələrindən ümumilikdə 28 minədək iştirakçı qeydiyyatdan keçib. 

Naxçıvan Muxtar Respublikası Gənclər və İdman Nazirliyinin mətbuat xidmətindən NUHÇIXAN-a verilən xəbərə görə, Ordubad rayonunundan olan atlet Əmrah Nağıyev marafona bu dəfə fəxri iştirakçı qismində qatılıb və bundan öncəki nəticələrindən daha yaxşısına nail olub. İdmançı tam məsafəni (21 km) 1 saat 14 dəqiqə 55 saniyəyə qət edərək ümümi sıralamada 6-cı olub. Bundan əlavə, gənc idmançımız azərbaycanlılar arasında finişə ən öndə çatıb, kişilərin 18-29 yaş kateqoriyasında 3-cü yerə sahib çıxıb.

Qeyd edək ki, Azərbaycanla yanaşı, Türkiyədə və Gürcüstanda keçirilən marafonların daimi iştirakçısı olan Əmrah Nağıyevin Bakı Marafonundakı göstəricisi şəxsi karyerasında ən yüksək nəticədir.