Namiq Babayev növbəti dəfə ölkə birincisi olub - FOTOLAR
2010/2011-ci il təvəllüdlü idmançılar arasında ölkə birinciliyinə start verilib. 2 gün davam edən yarışda paytaxt təmsilçiləri ilə yanaşı, Gəncə, Naxçıvan, Mingəçevir, İsmayıllı, Xızı, Quba, Xaçmaz, Astara və Bərdədən olan 170-dən çox atlet mübarizə aparıb.
Naxçıvan Muxtar Respublikası Gənclər və İdman Nazirliyinin mətbuat xidmətindən NUHÇIXAN-a verilən məlumata görə, birincilikdə Naxçıvan Muxtar Respublikasını Ordubad rayonundan məşqçi Əmrah Nağıyev, 4 qız və 2 oğlan idmançı təmsil edib.
İdmançılarımızdan Namiq Babayev 1500 metr məsafəyə qaçış üzrə birinci, 800 metr məsafədə isə ikinci olub.