"Araz-Naxçıvan" daha bir oyunçusu ilə müqavilənin müddətini uzadıb
"Araz-Naxçıvan" klubu qapıçısı Tərlan Əhmədli ilə müqavilənin müddətini uzadıb.
Bu barədə NUHÇIXAN-a Naxçıvan təmsilçisinin mətbuat xidmətindən məlumat verilib.
31 yaşlı qolkiper daha 1 il “Araz-Naxçıvan”ın formasını geyinəcək. O, 2024/2025 mövsümündə də “qırmızı-ağlar”ın heyətində yer alıb.
Qeyd edək ki, buna qədər baş məşqçi Elmar Baxşıyevlə yanaşı, İssof Paro və qapıçı Kristian Avramla da yeni müqavilə imzalanıb.