Türkiyə öz meydanında Moldova millisini böyük hesabla məğlub edib
Martın 25-də “Avro 2020” seçmə mərhələsinin ikinci turunun növbəti oyunu keçirilib.
NUHÇIXAN xəbər verir ki, “H” qrupunda yer alan Türkiyə millisi öz meydanında Moldova seçməsini qəbul edib.
Görüş türklərin böyük hesablı qələbəsi ilə başa çatıb - 4:0.
Şenol Günəşin yetirmələrinin həyətində Hasan Əli Kaldırım (24), Cenk Tosun (26, 54) və Kan Ayxan (70) fərqləniblər. Matçın 53-cü dəqiqəsində Burak Yılmaz 11 metirlik cərimə zərbəsini yerinə yetirə bilməyib.
Bu qələbə sayəsində Türkiyə millisi “H” qrupunda xalların sayını 6-ya çatdıraraq liderliyə yüksəlib. Moldova millisi isə sonuncu - 6 yerdə qərarlaşıb.