Əmrah Nağıyev Mersin Marafonunun mükafatçıları sırasında - FOTOLAR
Naxçıvan Muxtar Respublikası Gənclər və İdman Nazirliyinin mətbuat xidmətindən NUHÇIXAN-a verilən məlumata görə, Türkiyənin Mersin şəhərində “Tarixə, təbiətə, idmana və dostluğa – atdığın hər addımda Mersin səninlədir” şüarı VII Beynəlxalq Mersin Marafonu təşkil olunub. Dünyanın müxtəlif ölkələrindən gələn idmançıların iştirak etdiyi yarış yüksək rəqabət və böyük maraqla keçib.
Naxçıvanlı idmançı Əmrah Nağıyev Mersin marafonlarındakı növbəti iştirakını uğurla tamamlayıb. İdmançımız 10 km məsafəni 33 dəqiqə 27 saniyəyə qət edərək ümumi sıralamada 15-ci, öz yaş qrupunda isə 2-ci olub. Təmsilçimiz medal və kubokla mükafatlandırılıb.