“Sabah” özbəkistanlı futbolçunu birdəfəlik transfer edib
“Sabah” komandası futbolçu Umarali Raxmonaliyevi birdəfəlik transfer edib.
Klubdan NUHÇIXAN-a bildirilib ki, Özbəkistan yığmasının üzvünün icarəsi ilə bağlı Rusiyanın “Rubin” klubu ilə bağlanmış müqavilədə nəzərdə tutulan transfer bəndi qüvvəyə minib.
Yarımmüdafiəçi ilə yeni 3 illik sözləşmə imzalanıb.
Qeyd edək ki, Umarali Raxmonaliyev 2025-ci ilin yanvar ayından “Sabah”ın üzvüdür. 22 yaşlı futbolçu Bakı klubunun heyətində ümumilikdə 36 oyun keçirib və 3 qola imza atıb.