Naxçıvanda ekstremal yarış keçirilib - FOTOLAR
NUHÇIXAN xəbər verir ki, gənclər arasında süni divara dırmanma üzrə Naxçıvan Muxtar Respublika açıq birinciliyi keçirilib.
Hava və Ekstremal İdman Növləri Federasiyası ilə Gənclər və İdman Nazirliyinin birgə təşkil etdiyi və “Naxçıvan Muxtar Respublikası-95” devizi ilə keçirilən birincilikdə 100-ə yaxın idmançı mübarizə aparıb.
Nəticələrə gəlincə oğlanların mübarizəsində Abbas Seyidov hər kəsdən üstün olub. Qızların yarışında isə Nazlıcan Çakır birinci pillədə qərarlaşıb. İlk üçlükdə yer tutan idmançılara diplom və hədiyyələr, fərqlənənlərə isə fəxri fərmanlar təqdim olunub.
Emil Səmədov