Futzal üzrə millimiz Serbiya yığması ilə yoldaşlıq oyununda gücünü sınayıb

Futzal üzrə Azərbaycan milli komandası Serbiya yığması ilə növbəti yoldaşlıq oyunu keçirib.

NUHÇIXAN xəbər verir ki, qarşılaşmadan əvvəl “Ekonomaç” klubunun prezidenti və baş məşqçisi vaxtilə bu komandanın formasını geyinmiş millimizin üzvü Vitali Borisova xatirə hədiyyəsi təqdim edib. Oyun isə rəqibin 7:5 hesablı qələbəsi ilə başa çatıb. Thaqo Telesin dubl etdiyi görüşdə komandamızın digər qollarını İsa Atayev, Fineo de Araujo və Ramiz Çovdarov vurublar.

Qeyd edək ki, komandalar arasında keçirilmiş ilk oyunda millimiz 2:1 hesabı ilə qələbə qazanıb.