Naxçıvan idmançılarının növbəti uğuru - FOTOLAR
Göygöl rayonunda yüngül atletikanın kross qaçış növü üzrə keçirilən Azərbaycan çempionatı yekunlaşıb. Naxçıvan Muxtar Respublikası Gənclər və İdman Nazirliyinin mətbuat xidmətindən NUHÇIXAN-a verilən xəbərə görə, Çempionatda muxtar respublikanı Yüngül Atletika Federasiyasının 4 idmançısı təmsil edib. İdmançıların 3-ü yarışdan evə medalla dönüblər.
Belə ki, 4 km məsafəyə kross qaçışı üzrə Gülayə Cəfərova, 6 km məsafəyə kross qaçışı üzrə Səfər Tağıyev, 10 km məsafəyə kross qaçışı üzrə Əmrah Nağıyev II yerlərin qalibi olublar.