Sədərəkdə şahmat yarışı keçirilib

NUHÇIXAN xəbər verir ki, Sədərək rayon təhsil şöbəsinin təşkilatçılığı ilə Sədərək kənd 2 nömrəli tam orta məktəbdə ümummilli lider Heydər Əliyevin anadan olmasının 96-cı ildönümü münasibətilə V-IX sinif şagirdləri arasında şahmat yarışı keçirilib.

Tədbirdə Sədərək kənd 2 nömrəli tam orta məktəbin şahmat müəllimi Qəlandar Əliyev və Sədərək rayon Təhsil şöbəsinin əməkdaşı Arzuman Abdullazadə tədbirin keçirilməsi barədə şagirdlərə məlumat veriblər.

Sonra yeniyetmə şahmatçılar öz   qüvvələrini sınayıblar. Yarışın nəticələrinə görə  IX sinif şagirdi  Ruxa Zamanlı I,  V sinif şagirdi  Faiq Quluzadə II, IX sinif  şagirdi Zeynəb Cəlilova III yerə layiq görülüblər.

Qaliblər təşkilatçılar tərəfindən diplom və fəxri fərmanla mükafatladırılıblar.