I Liqa klubu “Qarabağ” və “Qəbələ”nin yetirmələrini transfer edib
Yeni mövsümdə Azərbaycan I Liqasında mübarizə aparacaq “Karvan-Yevlax” heyətini iki futbolçu ilə gücləndirib.
Bu barədə NUHÇIXAN-a klubun icraçı direktoru Elvin Əjdərli məlumat verib.
O, müdafiəçilər Rəhim Cəfərli və Nemət Şıxamirovu transfer etdiklərini bildirib. Hər iki oyunçu ilə 1 illik müqavilə imzalanıb.
Cəfərli son olaraq “Mingəçevir”də, Şıxamirov isə “Şimal”da çıxış edib. Onlar, müvafiq olaraq, “Qarabağ” və “Qəbələ”nin yetirmələridir.
Elvin Əjdərlinin sözlərinə görə, komanda bu gündən yeni mövsümün hazırlıqlarına start verəcək.