“Qarabağ”ın Bolqarıstan klubu ilə oyunlarının başlama saatı bəlli olub
“Qarabağ”ın UEFA Avropa Liqasının II təsnifat mərhələsində Bolqarıstanın MOİK komandası ilə keçirəcəyi oyunların başlama saatı bəlli olub.
NUHÇIXAN Avropa futbol qurumunun rəsmi saytına istinadən xəbər verir ki, iyulun 23-də Tofiq Bəhramov adına Respublika Stadionunda baş tutacaq görüş saat 20:00-da start götürəcək.
İyulun 30-da Sofiyada yerləşən “Vasil Levski” Milli Stadionunda təşkil olunacaq cavab qarşılaşması isə Bakı vaxtı ilə saat 22:00-da başlayacaq.
Xatırladaq ki, “Qarabağ” I raundda İslandiyanın “Vestri” kollektivini hər iki oyunda 3:0 hesabı ilə məğlub edərək növbəti mərhələyə vəsiqə qazanıb.