UEFA Çempionlar Liqası: Həftənin oyunçusu adına namizədlər açıqlanıb

UEFA Çempionlar Liqasında həftənin oyunçusu adına namizəd futbolçuların adlarını açıqlayıb.

NUHÇIXAN UEFA-nın saytına istinadla xəbər verir ki, iddiaçılar arasında “Barselona”nın hücumçuları Lionel Messi ilə Luis Suares, eləcə də Hollandiya “Ayaks”ının yarımmüdafiəçiləri Frenki de Yonq və Donni van de Bek yer alıblar.

Suares sabiq komandası İngiltərə “Liverpul”una 3:0 hesabı ilə qalib gəldikləri görüşdə ilk qolu vurub, Messi isə “dubl” edib. Van de Bekin qolu “Ayaks”a İngiltərədə “Tottenhem” üzərində qələbə qazandırıb - 1:0. De Yonqun isə dəqiqliyi 92 faiz təşkil edib.

Qeyd edək ki, UEFA Çempionlar Liqasının hazırkı qalibi İspaniyanın “Real Madrid” klubudur.